कुटाइ खाए कर्णेलले................

 नेपाली सेनाका महासेनानी राजु नेपाली नेपालगन्ज
 स्थित फिए गुल्म (फिल्ड एम्बुलेन्स गुल्म) को
उपचार कक्षमा । आइतवार राति गुरुद्धारा रोडमा
 स्थानीय युवासंगको बिबादपछिको कुटाकुटमा उनी
 घाईते भएका थिए। तस्बिरःईकान्तिपुर

नेपालगन्ज, वैशाख ७ - नेपाली सेनाका  एक जना  महासेनानी र  स्थानीय एक होटल व्यवसायीबीचको विवादमा एकले अर्को पक्षलाई निर्घात कुटपिट र संघातिक आक्रमण गरेको दाबी गरेका छन् ।

चार दिनअघि महासेनानी राजु नेपाली र हंगेरी होटलका मालिक, मजदुर तथा केही स्थानीय युवाबीच परस्पर  कुटाकुट भएको थियो ।  महासेनानी नेपालीले आफूले संरक्षण दिएकी एक युवतीलाई भेट्न गएका बेला कोठाभित्र पस्ने बित्तिकै बाहिरवाट  चुक्कुल लगाई दिएपछि उत्पन्न विवाद  कुटाकुटमा

परिणत भएको बताएका छन् ।

'किन ढोका लगाएको भन्दै एक-दुई थप्पड हानेको हो,' टाउको, हात-खुट्टा र ढाडमा हान्दा लागेको घाउ र  निलडाम देखाउँदै महासेनानी नेपालीले भने,- सडकबाट समातेर होटलको कम्पाउण्डभित्र लगी गेट बन्द गरेर संघातिक अक्रमण गरे ।'

होटल सन्चालकले भने आफूहरुलाई महासेनानी र उनका सहयोगीले कुटपिट गरेको बताउदै आएका छन् । सन्चालक राजेश विकले आफूहरुले चुक्कुल नलगाएको बताए । तर, सेना र प्रहरीले ज्यादती गरेको उनले दाबी गरे । 'त्यतिकै  कर्णेल र प्रहरीले आएर कुटे'- विकले भने ।

घटनामा कुटाई खाएको दावी गर्दै आएका दुबै पक्षले अहिलेसम्म घटनाको जाहेरी नदिएको प्रहरी जनाएको छ । 'कुटपिटमा संलग्नलाई पक्राउ गरेर सर्वजनिक मुद्धाको तयारी गरेका थियौ,' बाँके प्रहरी नायव उपरीक्षक उदय तामाङले भने,-'तर महासेनानीले माफी दिएर त्यसै छाड्न भनेकाले मुद्दै नलगाई छाडिएको हो ।'

उक्त घटनाबारे समाचार लेखेका सन्चारकर्मी दिनेश गौतमलाई कर्णेल नेपालीले धम्की दिएकोभन्दै नेपाल पत्रकार महासंघ बाके शाखाले बिरोध जनाएको छ । स्थानीय केही गैरसरकारी  संघ-सस्थाहरुले पनि घटनाको बिरोध गरेका छन् ।